АЛАҲӘАРА Аҭҵаарадырразы Гь.А. Ӡиӡариа ихьӡ зху Аԥсны Аҳәынҭқарратә премиазы Акомиссиа апремиа аиуразы аконкурс шаарту рыланаҳәоит. Гь.А. Ӡиӡариа ихьӡ зху Аҳәынҭқарратә премиа ранашьахоит агуманитартәи аԥсабаратәи ҭҵаарадыррақәа рҿы иалкаахаз, ауаажәларратә зхаҵара ҭбаа зауз, Аԥсны Аҳәынҭқарра аҭҵаарадырра аҿиараҿы лагала дуны иҟалаз аусумҭақәа. Аҳәынҭқарратә премиа аиуразы иқәыргылазарц алшоит: хаҭалатәи авторцәа рмонографиатә усумҭақәеи аколлективтә монографиақәеи;…

Аԥсны Аҳәынҭқарра Акультура Аминистрра алаҳәара ҟанаҵоит Аԥсны Жәлар рпоет Рушьбеи Ҳазараҭ-иԥа Смыр ибаҟа иреиӷьу апроект алхразы иаарту жәларбжьаратәи аконкурс шымҩаԥнаго.

Жьҭаарамза 30, 31 рзы имҩаԥсыуеит Антон Чехов ипиесала иқәыргылоу аспектакль «Аҷныш» аԥхьарбара С. Ҷанба ихьӡ зху Аԥсуа ҳәынҭқарратә драматә театр асценаҟны.

«Асду» аԥхьарбара мҩаԥысит 2024 шықәса абҵарамза 20 рзы.

Зынӡа 10-ҩык рыдыркылоит, урҭ «Актиортә ҟазара» азанааҭ ала хәыда-ԥсада аҵара рҵоит ҳәа адырра ҟанаҵоит атеатр.

Иара инаҵшьны иазгәеиҭеит афестиваль «Хьыбла Гьерзмааԥҳа шәаалыԥхьоит...» Аԥсны мацара акәымкәа, егьырҭ атәылақәа рзгьы иҷыдоу хҭысны ишыҟоу.

VIII афестиваль «Укәаша, ушәаҳәа, с-Урыстәыла, с-Аԥсынтәыла!» аконцерт хада мҩаԥысит Самсон Ҷанба ихьӡ зху Аԥсуа ҳәынҭқарратә драматә театр аҿы.

Цәыббра 30 рзы иҟоу адыррақәа рыла аицлабра-лабораториа «Амузыка – бжьаӡарадеи ҳәаадеи аиҿцәажәара» алахәхаразы шәкы инареиҳаны рзаҳал нарышьҭхьеит.