Апремиа ранашьахоит акьыҧхь збахьоу, аҧсуа сахьаркыратә литератураҿы илагала дуны иҟалаз, ауаажәларратә зхаҵара зауз, ахәыҷқәеи ақәыҧшцәеи ирызку аоригиналтә асахьаркыратә ҩымҭақәа (апоезиеи, апрозеи, адраматургиеи ржанрқәа ирыҵаркуа).

Апремиазы иқәыргылазар ҟалоит 2022, 2023, 2024-тәи ашықәсқәа рзы икьыҧхьу арҿиамҭақәа.

Апремиа аиуразы арҿиамҭақәа рықәыргылара азин рымоуп аҵара-ааӡаратә, акультуратә усҳәарҭақәеи, арҿиаратәи аҟазаратәи еидгылақәеи рколлективқәа, ажурналқәеи, агазеҭқәеи рредакциақәа уҳәа убас егьырҭгьы.

Аконкурс ахь адокументқәа рыдыркылоит жьҭаарамза 17-нӡа абри аҭыӡҭыҧ ала: Аҟәа ақалақь, Аҧсны аиҳабыра рыҩны, Лакәаба им. 21, Аҧсны Акультура аминистрра.

Т. Шь. Аџьба ихьӡ зху Аҳәынҭқарратә премиа Акомиссиахь.

Иаҭахәу адокументқәа рсиа еилышәкаарц шәылшоит абарҭ ателқәа рыла +7 (840) 226-75-42; +7 (940) 965-91-02.