Адныҳәалараҿы иаҳәоит:
«Аԥсны Аҳәынҭқарра Акультура Аминистрра ахьӡала ишәыдысныҳәалоит Атеатр Жәларбжьаратәи Амш! Ари амш еиднакылоит атеатр хацәнымырха амаҵ азызуа зегьы, зҟазара ҳаракы ахәаԥшҩы зеиԥшыҟам агәырӷьара, агәеизҳара, аемоциа ҵаулақәа рзаазго.
Аԥсуа театртә школ ианакәызаалак ахатәы традициақәа амоуп. Аԥсуа сцена дырлашон зегьы еицырдыруаз, бзиа ирбоз актиорцәа дуқәа. Аԥсуа театртә ҟазара атрадициақәа нагӡо, иахьагьы актиорцәа, арежиссиорцәа ҿарацәа ҳдыргәырӷьоит аспектакль ҿыцқәа рыла, апремиера ҿыцқәа рцәырҵра ныҳәоуп ҳара ҳзы. Урҭ ирыбзоураны атеатртә ҟазара аҩаӡара ҳаракуп иахьа уажәраанӡагьы.
Иахьатәи амшныҳәа аҽны гәыкала иҭабуп ҳәа расҳәарц сҭахуп актиорцәа, арежиссиорцәа, адраматургцәа, асахьаҭыхыҩцәа, акомпозиторцәа – ажәакала, атеатртә қәгыларақәеи аспектакльқәеи раԥҵара знапы алаку зегьы. Ишәзеиӷьасшьоит агәабзиара, аманшәалара. Шәҟазара наунагӡа иҿымцәааит, ишәыгымзааит ахәаԥшцәа рыбзиабара!»