Ԥхынҷкәын 17 рзы имҩаԥысуеит Аҧсуа литература ашьаҭаркҩы, Аҧсны Жәлар рпоет, аҵарауаҩ арккаҩ ду Дырмит Гәлиа диижьҭеи 150 шықәса аҵра иазку аныҳәатә усмҩаҧгатәқәа.

Аусмҩаԥгатәқәа рыпрограмма

10.00 – Д. И. Гәлиа ибаҟа аҿаҧхьа ашәҭқәа рышьҭаҵара;

11.00 – Д. И. Гәлиа ихьӡ зху Аҧсуаҭҵааратә институт ахыбраҿ апоет ибаҟа аартра;

11.30 – Аҧсуаҭҵаартә институт аҿы Д. И. Гәлиа диижьҭеи 150 шықәса аҵра иазку аҭҵаарадырратә конференциа апленартә еилатәара амҩаҧгара.

16.30 – Д. И. Гәлиа диижьҭеи 150 шықәса аҵра иазку Дырмит Гәлиа илитературатә-мемориалтә музеи афондқәа рыла еиҿкаау иҷыдоу ацәыргақәҵа аартра. Уи мҩаҧгахоит С. И. Ҷанба ихьӡ зху аҧсуа ҳәынҭқарратә драматә театр афоие аҿы;

17.00 – Д. И. Гәлиа диижьҭеи 150 шықәса аҵра иазкны аофициалтә хәҭа;

17.20 – С. И. Ҷанба ихьӡ зху аҧсуа ҳәынҭқарратә драматә театр аҿы Д. И. Гәлиа илирикатә поезиа иалху аспектакль «Иареи лареи» дырбара.